General recommendations (粵語)
呢版列舉咗受歡迎、對 Arch 系統改善同增加功能嘅文章同重要資訊。讀者應該先讀完 Installation guide (粵語)，基本噉裝咗 Arch Linux。讀完#系統管理同#軟件包管理先會明其他部分噏乜。
系統管理
呢部分講解點樣管理系統。詳情：Core utilities 同 Category:System administration
用戶同用戶組
啱啱裝完嘅系統淨係會有超級用戶，即係 root。長時間用 root，甚至喺侍服器度嘅 SSH 開放 root，係個危機四伏嘅做法。你應該整個冇乜權限嘅用戶嚟做日常大部分工作，喺系統管理嘅情況下先好用 root。
用戶同用戶組係權限嘅控制方式；管理員可以調整擁有者同成員以畀或禁示啲用戶同系統服務嘅系統資源嘅存取權限。想知道更多（關於安全／危險性），請睇 Users and groups。
權限提升
以下嘅命令行架撐畀人扮第二啲用戶（好似root）去行嘢或者開個互動殼層（shell）：
- su — 畀你扮做第二個用戶，但係你要知個用戶嘅密碼。 root 唔使密碼就可以扮做其他用戶。
- sudo — 畀一個管理者委派某啲用戶（或用戶組），令佢哋可以用 root 或另一個用戶嘅身分行部份（或者全部）命令，同時留低佢哋行過咩嘅記錄。預設淨係得 root 可以用。
- doas — 一個細過、簡單過 sudo 嘅程式。
系統服務管理
Arch Linux 嘅 init 行程用 systemd，係個畀 Linux 嘅系統同系統服務管理員。如果想維護你裝咗嘅 Arch Linux 系統，學下佢嘅基本用法都係一個唔錯嘅諗頭。用 systemctl 就可以同 systemd 互動。
系統維護
因為 Arch 用漸進式發行模式，所以軟件包更新速度好快趣，因此用家要花啲時間同心思去維護系統。讀 Security 就可以揾到關於強化系統嘅建議同技巧。
軟件包管理
呢個環節有管理軟件包嘅正料。睇埋：FAQ#Package management 同 Category:Package management
pacman
pacman 係 Arch Linux 嘅軟件管理員（package manager）：全部用家都要對佢滾瓜爛熟先至可以讀第二啲文。
睇 pacman/Tips and tricks 就可以攞到優化同 pacman 互動嘅建議同埋點管理軟件包。
軟件庫
睇埋 Official repositories 去瞭解每個仲係有人維護嘅官方軟件庫嘅存在價值。
如果你諗住用卅二位元嘅軟件，啟用 multilib 軟件庫。
Unofficial user repositories 文列出咗其他冇支援嘅庫。
你可以考慮下裝 pkgstats 服務。
鏡像
Mirrors 文有講解用軟件庫最快最新嘅鏡像，贏係起跑線嘅步驟。篇嘢都講咗個好好嘅建議：去定期查下鏡像情況，知返近期更新咗嘅鏡像。
Arch 組建系統
Ports 係最初 BSD 發行版用到嘅軟件組建系統，喺一個系統度一個個目錄樹度有大大細細嘅腳本（scripts）。每個 port 都有個用第三方應用程式命名嘅目錄，入面都裝住啲腳本。
Arch 組建系統（ABS）（繁：Arch 建置系統）有一模一樣嘅功能：佢畀一啲叫 PKGBUILD 嘅組建腳本（縮：起本），而啲腳本有一舊舊關於個軟件嘅資料，好似完整性雜湊值、項目 URL、版本、授權同組建步驟。呢啲 PKGBUILD 會畀 makepkg 處理，整啲 pacman 可以不費九牛二虎之力又一目十行嘅軟件包。
係啲軟件庫同 AUR 入面嘅都要用 makepkg 先至可以整做各式各樣嘅軟件包。
Arch 用家軟件庫
ABS 畀我哋整同起官方庫度五花八門嘅軟件，同時個 Arch 用家庫（AUR）有用家交咗嘅軟件包。AUR 係一個冇支援、裝住腳本嘅庫。你可以喺網絡介面或者 AUR RPC 介面望下個 AUR。
開機
呢個環節講解開機嘅過程。Arch boot process 概括哂。睇埋 Category:Boot process。
自動辨識硬體
開機嗰陣，udev 會自己認到啲硬體。Kernel modules 講到一個可行嘅改善方案：閂咗自動嚕啲模組同手動指住所需嘅模組。另外，Xorg 應該有能力用 udev 自動認到所需嘅驅動程式，但係用家可以自己設定個 X 伺服器。
微程式
處理器可能會壞壞哋，而內核開機嗰陣更新微程式（Microcode）就可以整返好。
留低開機訊息
開咗機之後，個營幕會畀系統清除，導致用家冇計睇返開機訊息。你可以閂咗開機訊息嘅刪除。
Num Lock 嘅啟用
係好多鍵盤度都有 Num Lock。如果開機嗰陣想要自動啟用 Num Lock，參考 Activating numlock on bootup。
圖像用家介面（GUI）
呢個環節俾用戶行圖像介面嘅指南。詳睇：Category:Graphical user interfaces
視窗系統
Xorg（即 X 或 X11）係公開認可嘅 窗口管理系統。佢係行 GUI 應用程式嘅必須品，大部分嘅用家都想裝佢。
Wayland 係一個新啲嘅第二個視窗系統，有用 Weston。
顯示驅動器
預設嘅 modesetting 顯示驅動器會同大部分，但係裝咗啱返個顯卡嘅 Xorg#AMD 或者 NVIDIA 驅動器就會有好啲嘅。
桌面環境
雖然 Xorg 有基本嘅框架，可以用嚟起個桌面環境，但係可能要額外嘅組件先至拎到個完完整整嘅用戶體驗。唔同嘅桌面環境，包括 GNOME、KDE、LXDE 會將五花八門嘅 X 用戶端組埋一齊，好似視窗管理員、控制版、檔案管理員、虛擬終端、文字編輯器、標誌、同其他架撐。新使用者應該會想裝個桌面環境，使到個環境似曾相識。Category:Desktop environments
視窗管理員
一個五臟軀全嘅桌面環境會提供一個完整又持續嘅 GUI，但係會用唔少系統資源。想要最佳化性能或者簡化個環境嘅話，可以試下裝個視窗管理員，再揀啲想要嘅額外嘢。大部分嘅桌面環境都畀用戶用第二個視窗管理員。Dynamic、stacking同tiling視窗管理員有唔同嘅視窗擺位方式。
顯示管理員
好多桌面環境有個顯示管理員（即顯示管理器），有得自動開個圖像介面同管住啲用戶登入。冇桌面環境嘅用家可以自行裝個。你亦都可以喺簽到嗰陣開 X，簡單噉代替顯示管理員。
用戶檔案目錄
出哂名嘅 Downloads 同 Music 用戶檔案目錄係 xdg-user-dirs-update.service 用戶服務整嘅，裝 xdg-user-dirs 就會有，而且自動啟用埋添。如果你嘅桌面環境或者視窗管理員冇攞到個軟體包嘅話，你可以裝佢再手動行 xdg-user-dirs-update。（XDG user directories#Creating default directories）
電源管理
呢個環節可能對手提電腦使用者或者想要電源管理嘅人好有用。詳睇 Category:Power management 同 Power management。
ACPI 事件
用家可以設定個系統點對進階組態與電源介面（ACPI）嘅事件有反應，好似撳電掣呀、手提電腦度冚蓋噉。睇 Power management#ACPI events 就知新同建議方法。想知道舊方法嘅話，睇 acpid。
CPU 節流
現代嘅處理器可以減低佢哋嘅時脈（frequency）同電壓，先可以減熱同用電量。冇咁熱，個系統就會靜啲同耐久啲。詳睇 CPU frequency scaling。
手提電腦
Category:Laptops 有手提電腦嘅資訊同畀某部筆電嘅安裝指南。Laptop 有手提電腦嘅簡介、有關嘅文同建議。
掛起同休眠
睇下主頁：Power management/Suspend and hibernate
多媒體
Category:Multimedia 有多啲資源。
聲系統
ALSA 係個內核聲系統，佢應該唔使做咩都會行到。（佢淨係要畀人解除靜音先。聲伺服器就如 PulseAudio 同 PipeWire 可以畀用家多啲功能同支援複雜嘅音響設定。
睇下 Professional audio 以瞭解進階嘅音響要求。
網絡
呢個環節係關於細網絡程序嘅。Network configuration 有完整嘅指南；Category:Networking 有相關條目。
時鐘同步
網路時間協定（NTP）係一個用封包交換、潛在變數嘅數據網絡嘅協議。Time synchronization 有講到點實行呢個協議。
DNS安全
為咗上網、打機、連接 SSH 服務嗰陣穩鎮啲，你可以考慮下用啟用咗 DNSSEC、可以驗證簽咗嘅 DNS 記錄嘅 DNS resolver，同個加密咗嘅協議，好似 DNS over TLS、DNS over HTTPS 或者 w:zh:DNSCrypt。詳睇 Domain name resolution。
設立防火牆
一部防火牆可以喺 Linux 網絡堆疊上畀額外嘅保護。Arch 原本嘅內核用到 w:zh:Netfilter 嘅 iptables 同 nftables，但係佢哋預設冇開到。我哋強烈建議你整某種防火牆。Category:Firewalls 有唔同指南。
網絡共享
用 Samba 去加入視窗網絡。讀 Active Directory integration 去設定部機去用 Acitve Directory 嚟驗證。
輸入裝置
呢個環節有出名嘅輸入裝置貼士。詳睇：Category:Input devices
鍵盤配置
非英文或正規嘅鍵盤可能唔會正確運行。Xorg 同 virtual console 嘅設定步驟都唔同，睇 Keyboard configuration in console 同 Keyboard configuration in Xorg。
滑鼠制
有啲特別嘅滑鼠有系統本身認唔到嘅制，或者用家可能想畀佢哋唔同動作。睇：Mouse buttons
手提電腦觸控板
好多手提電腦用Synaptics 或 ALPS 等等嘅「觸控板」設備。你可以用 Synaptics 嘅輸入驅動程式或 libinput；睇下 Touchpad Synaptics 同 libinput 瞭解點裝同設定。
TrackPoints
詳見：TrackPoint
優化
呢個環節講解貼士、工具同其他嘅選項去優化系統同程式性能。
基準測試
基準測試 可以用一個共認嘅標準，以同樣嘅方式試到系統性能，再同第啲系統比較。
優化性能
Improving performance 度有講到點基本增強性能。
SSD
SSD 度有講好多SSD嘅話題，包括加長佢哋嘅生命期嘅方法。
系統服務
呢個環節同 daemons 有關。
快撈索引同搜尋
大部分 distro 都有個 locate 指令用嚟快趣噉揾快撈。Arch Linux 有俾到唔同嘅選擇，詳見：locate
局部郵件速遞
預設嘅設置冇得同步郵件。郵件遞送代理嘅列表喺郵件伺服器度。
列印
CUPS 係一個 Apple 發明嘅標準開源碼嘅列印系統。Category:Printers 有關於列印機嘅文章。
外觀
呢個環節有關整理外觀。詳見：Category:Eye candy
字體
你應該要裝堆 TrueType 字體，事關一個基本嘅 Arch 系統得堆放唔到大嘅點陣（bitmap）字體。有好多一般用途性嘅字體提供大範圍 Unicode 嘅字，甚至同第啲作業系統嘅字體有公制兼容性。
如果要長時間用 virtual console （啫係喺 X server 以外），用家可以用返啲易讀啲嘅字體：Linux console#Fonts
GTK 同 Qt 主題
有好多 GUI 應用係 GTK 或 Qt。望下嗰兩篇嘢同 Uniform look for Qt and GTK applications，幫你諗下點美化你裝咗嘅程式。
命令行介面優化
呢個環節講解點令 CLI（命令行介面）程式好用啲。詳見：Category:Command-line shells
優化 Tab 提示
我哋建議盡快擴展tab completion。麻煩揾返自己嘅 shell 嘅文章。
別名
用 CLI 嗰陣，幫啲、堆指令改別名可以慳返啲時間，由其是要做啲重覆性而 parameters 冇乜變嘅動作。噉嘅別名可以喺 Bash#Aliases 揾到，佢哋同 zsh 都幾夾㗎。
第啲 shell
Bash 係 Arch 預設裝咗嘅 shell，不過 live 嘅安裝媒介用 zsh 同 grml-zsh-config 夾埋一齊。Command-line shell#List of shells 有其他選擇。
Bash 補充
Bash#Tips and tricks 有堆拉雜嘅 Bash 設定、歷史搜尋同 Readline macros 喺 Bash#Tips and tricks。
有色回答
壓縮檔案
壓縮咗嘅檔案喺GNU/Linux成日見㗎。Tar 其中一個最出名嘅解縮架撐，而用家應該知點用佢（就好似 Arch Linux packages 呢啲 zstd 嘅 tarballs）。睇：Archiving and compression
命令行提示符
命令行提示符 (PS1) 可以改到連呀媽都唔認得。睇 Bash/Prompt customization 同 Zsh#Prompts。
Emacs shell
Emacs 出名有第啲唔係用嚟改文檔嘅功能，就好似佢有埋成個 shell。睇 Emacs#Colored output issues 知下點整返好啲因為用有色回答而有嘅問題。
踎士支援
用踎士（mouse）嚟喺命令行度複製貼上嘢取代到 GNU Screen 嘅傳統複製模式。詳睇 General purpose mouse。話說喺啲 terminal emulator 度直接用到 clipboard。
環節管理
用 tmux 同 GNU Screen 呢啲 terminal multiplexer 嗰陣會令一啲行喺環節（session）嘅程式隨時隨地 detach 到，到用家停咗個命令行、X 或者簽走嗰陣，個程式會繼續喺背後照行直到個伺服器唔 active。想要同個程式互動嘅話就要 attach 返個 session。